Exposición - Eu tamén navegar. As ondas do feminismo galego. 29 de maio - 9 de xullo de 2026
Exposición

Eu tamén navegar. As ondas do feminismo galego

  1. Inicio
  2. Eventos
  3. Exposición

Exposición

Eu tamén navegar. As ondas do feminismo galego

29 de maio - 9 de xullo de 2026
Santiago de Compostela
Exposición

Eu tamén navegar. As ondas do feminismo galego

29 de maio - 9 de xullo de 2026 Santiago de Compostela
Navegar é sinónimo de liberdade. Unha imaxe en que habita o feminismo galego, convertendo o verso de Xohana Torres no berro das mulleres. As ondas propias desta navegación teñen moito que ver co contexto social e político no que se desenvolveron as múltiples loitas pola igualdade. Esta exposición, organizada polo Consello da Cultura Galega a través do Centro de Documentación en Igualdade e Feminismos, tenta recoller fitos salientábeis dos cincuenta anos do movemento feminista organizado galego.

A escolla é moi difícil xa que o activismo feminista percorre Galicia cunha forza e unha capacidade de axitación tan grande que calquera intento de resumilo falta á realidade da súa potencia. De aí que decidamos seguir un criterio temático, isto é, tres grandes bloques agrupan as principais loitas deste medio século. Pensamos que, deste xeito, se ofrece un mosaico de propostas e accións que dan contan de como o feminismo galego foi e é vangarda na conquista dos dereitos das mulleres.

O primeiro bloque, «Donas de seu», engloba o agromar do Movemento Feminista Galego (MFG) no referido aos dereitos civís. O dereito a decidir sobre o propio corpo, a sexualidade ou a maternidade comparten espazo coa loita polo divorcio ou a abolición do adulterio. O segundo bloque colle no título parte dunha das consignas máis aclamadas nas manifestacións, «Mulleres somos, mulleres seremos; pero na casa non quedaremos», para agrupar a saída do fogar ao ámbito do traballo remunerado e da vida política, cultural e académica das galegas. No terceiro móstrase como as loitas feministas sempre estiveron en conexión coa defensa dos dereitos humanos e traballaron, man a man, co antimilitarismo ou o ecoloxismo. «As nenas malas van a todas as partes» plasma o espírito insubmiso e revolucionario dun movemento que acepta mal moldes e imposicións.

A maioría do material exposto e reproducido pertence aos fondos do Consello da Cultura Galega, como parte do proxecto «Memoria en movemento» do Centro de Documentación en Igualdade e Feminismos (CDIF). Toda a tipografía empregada é de mulleres, así como as tres fotografías destacadas.

A maxia non pertence a uns poucos, como tampouco o fan as utopías. Pode ser de todas, porque o feminismo é un espazo colectivo, diverso e sempre en constante movemento. O que presentamos non é unha foto fixa; son instantes de vida e loita cos que desexamos homenaxear a todas aquelas que soñaron coa liberdade, como compás colectivo desta navegación.

A mostra pode visitarse no Claustro Alto do Colexio de Fonseca (Santiago de Compostela) até o 9 de xullo de 2026.
LUGAR
Colexio de Fonseca
Claustro Alto
Rúa do Franco, s/n
15704 Santiago de Compostela
MÁIS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Convite
Eu tamén navegar. As ondas do feminismo galego
Convite en PDF
Prensa
28-05-2026

Unha mostra e un congreso conmemoran os 50 anos do movemento feminista organizado en Galicia

Ficha técnica 
Exposición
Eu tamén navegar. As ondas do feminismo galego
Cando
29 de maio - 9 de xullo de 2026
Onde
Santiago de Compostela
Lugar

Colexio de Fonseca
Claustro Alto
Rúa do Franco, s/n
15704 Santiago de Compostela