Xornada - Vicente Risco: Da construción histórica ao territorio do futuro . 26 de setembro de 2026
Xornada

Vicente Risco: Da construción histórica ao territorio do futuro

  1. Inicio
  2. Eventos
  3. Xornada

Xornada

Vicente Risco: Da construción histórica ao territorio do futuro

26 de setembro de 2026
Allariz
Xornada

Vicente Risco: Da construción histórica ao territorio do futuro

26 de setembro de 2026 Allariz
A ollada á xeografía e o estudo da terra configuran unha das liñas estratéxicas na multifacética obra de Vicente Risco, quen hai un século descifrou a identidade de Galicia a través dos seus horizontes. Hoxe, ese legado non pode ser tratado dende a nostalxia, senón como unha advertencia urxente perante as dinámicas demográficas, o crecemento desordenado, os incendios e a perda do mosaico vexetal tradicional que historicamente sostiña a soberanía local. En pleno século XXI, resulta imperativo pensar o territorio como un todo integrado.

Nesta xornada tratarase a terra non como un espazo estático, senón como unha construción viva e determinante no porvir do país. A través de cinco eixes estratéxicos, analizarase o territorio imaxinado, afondando na carga emocional, cultural e simbólica que a creación lle asigna á paisaxe. A continuación, a sección “O territorio investigado” achegarase á xeografía e á historia como ferramentas esenciais para comprender as nosas formas de ocupar a terra. O seguinte debate do programa situarase na finitude do territorio, reflexionando sobre a necesidade de poñer freo ao espolio de recursos oculto baixo o termo anestésico de industrias verdes, para logo examinar as xeografías programadas que no século pasado mutaron o agro tradicional. Finalmente, porase o foco nas sementes para o mañá, expondo alternativas pioneiras e sostibles que lideran a innovación fronte ao despoboamento rural e a presión do turismo de masas.

Estudar e analizar a terra con perspectiva de futuro convértese no paso previo e obrigado para calquera transformación planificada. O pensamento de Nós e do Seminario de Estudos Galegos preséntase como unha ferramenta indispensable de resistencia colectiva e pedagoxía social. Esta xornada quere ser un espazo para activar a conciencia crítica, escoitar propostas que protexen a terra dende a base e artellar, de xeito conxunto, un modelo habitable e sostible para o porvir de Galicia.
ASISTENCIA
A inscrición é gratuíta.
O número de prazas é limitado (20 persoas).
As prazas cubriranse por rigorosa orde de inscrición.
LUGAR
Fundación Vicente Risco
Rúa San Lourenzo, 3
32660 Allariz, Ourense
MÁIS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Programa
Vicente Risco: Da construción histórica ao territorio do futuro
Programa en PDF
Temáticas
Literatura Medio Natural
Ficha técnica 
Xornada
Vicente Risco: Da construción histórica ao territorio do futuro
Cando
26 de setembro de 2026
Onde
Allariz
Lugar

Fundación Vicente Risco
Rúa San Lourenzo, 3
32660 Allariz, Ourense

Organiza
Consello da Cultura Galega
Fundación Vicente Risco
Fundación Vicente Risco
Colabora
Concello de Allariz

Imaxe de portada: Debuxo de Vicente Risco