Xornada - O debate da Educación: Onde estamos?. 22 de outubro de 2026
Xornada

O debate da Educación: Onde estamos?

  1. Inicio
  2. Eventos
  3. Xornada

Xornada

O debate da Educación: Onde estamos?

22 de outubro de 2026
Santiago de Compostela
Xornada

O debate da Educación: Onde estamos?

22 de outubro de 2026 Santiago de Compostela
No marco dunha sociedade sometida a uns ritmos que non favorecen a reflexión, preguntámonos se o sistema educativo é capaz de manter uns principios rigorosos froito da tradición, da innovación e do consenso ou se simplemente se axita entre fortes correntes alleas ao seu ser, producindo respostas inmediatas e simples a problemas complexos.

A aceleración do cambio, familiar, social e tecnolóxico, entre outros, reta as institucións educativas. Os sucesivos cambios nas leis de educación satisfán a poucas persoas. Semella que temos unha fenda importante atravesando a nosa democracia polo que respecta á comprensión diagnóstica do fenómeno educativo: a situación do alumnado, o papel dos e das docentes, o peso das novas tecnoloxías (nomeadamente a intelixencia artificial), a interferencia coa atención das fiestras dixitais, os retos da lexislación etc. son partes dun todo que non damos encaixado.

Cales son as características dun bo sistema educativo? Témolo ou estamos aínda lonxe? Cal é ou cales son, dende as novas teorías psicolóxicas (intelixencias múltiples, intelixencia emocional) e pedagóxicas, as mellores metodoloxías de aprendizaxe? Son compatibles coa lexislación vixente? Axuda esta a lograr os obxectivos que consagra, ou estorba a súa realización? De que maneira a liberdade de cátedra contribúe a unha educación rica e plural? Que se pon en perigo cando se pretende guiar esa liberdade por sendas marcadas de “neutralidade”? Por que importa unha educación pública de calidade?

Queremos, cunha xornada dedicada a reflexionar con calma sobre a educación en España e Galicia, achegar reflexións e ideas, deternos e debater en común, formularnos preguntas, descubrir rumbos e horizontes, todos e todas, docentes, pais e nais, mozos e mozas, facer un exercicio conxunto de atención a este centralísimo reto: mellorar o noso sistema educativo, ter unha boa Educación.
Programa
O debate da Educación:
Programa en PDF
Prensa
23-10-2026

Especialistas propoñen repensar a educación desde a aprendizaxe cooperativa, o pluralismo e o coñecemento

21-10-2026

Unha xornada sobre a situación da educación

Ficha técnica 
Xornada
O debate da Educación: Onde estamos?
Cando
22 de outubro de 2026
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Antonio Fernández Seoane
Ana Isabel García Arias
Ana Gloria Rodríguez Alonso
Relator/a
Almudena Alonso Ferreiro
Rebeca Baceiredo Pérez
Inger Enkvist
Javier Mestre Marcotegui
Presenta
Mariló Candedo Gunturiz
Antonio Fernández Seoane
Ana Isabel García Arias
Celia Pereira Porto
Ana Gloria Rodríguez Alonso
Dolores Vilavedra
Organiza
Consello da Cultura Galega
Sección de Pensamento (CCG)

Imaxe da portada: Rafael Sanzio, A escola de Atenas, 1509-1511. Museos Vaticanos.