Xornada - Construír museo. A investigación como núcleo da institución. 10 de novembro de 2026

Construír museo. A investigación como núcleo da institución

Xornada

Construír museo. A investigación como núcleo da institución

10 de novembro de 2026
Santiago de Compostela
Xornada

Construír museo. A investigación como núcleo da institución

10 de novembro de 2026 Santiago de Compostela
Os museos non constitúen unicamente espazos de conservación e exhibición do patrimonio, son institucións activas na xeración, xestión e transmisión do coñecemento. Nun contexto marcado pola transformación dos modos de acceso á información, a diversificación dos públicos e a crecente complexidade das prácticas culturais, as súas funcións amplíanse e reconfigúranse para asumir un papel central como ámbitos de reflexión, mediación e construción do discurso cultural.
Neste marco, a investigación establécese como un eixe estrutural da actividade dos museos, ao permitir non só afondar no estudo e na documentación das coleccións, senón tamén actualizar de maneira continua o coñecemento asociado a elas, garantindo a súa adecuada conservación e favorecendo a súa reinterpretación desde perspectivas diversas e en constante evolución. A actividade investigadora desenvolvida nos museos mantén, ademais, unha estreita relación coa investigación académica, ao compartir metodoloxías, obxectivos e procesos de xeración de coñecemento, ao tempo que incorpora dimensións propias vinculadas á xestión do patrimonio, á mediación cultural e á relación cos públicos.
A investigación constitúe, así, un dos piares que sustentan a lexitimidade do museo como espazo de coñecemento, pensamento crítico e creación cultural, reforzando ao mesmo tempo a súa dimensión social, educativa e patrimonial. A súa relevancia resulta especialmente significativa nun escenario en que as institucións museísticas deben equilibrar a crecente centralidade da experiencia expositiva e das dinámicas de consumo cultural coa consolidación do labor investigador como fundamento da súa misión. É precisamente este labor o que garante a calidade, a coherencia e o rigor dos discursos museográficos, das narrativas expositivas e das programacións públicas, consolidando o museo como un axente esencial na produción, transferencia e difusión do coñecemento.
Esta xornada propón reflexionar sobre o papel da investigación no ámbito museístico contemporáneo, desde o estudo das coleccións ata a construción das narrativas expositivas e dos relatos culturais, reivindicándoa como o principio vertebrador da institución museística e como un factor decisivo para o seu fortalecemento, a innovación e a capacidade de responder aos desafíos culturais e sociais do presente e do futuro.
O encontro reunirá profesionais de museos galegos e do conxunto do Estado co propósito de compartir proxectos, experiencias e retos comúns, para favorecer o intercambio de coñecementos, a difusión de boas prácticas e o fortalecemento das redes de colaboración entre institucións. Este diálogo contribuirá a impulsar a innovación, consolidar a cooperación e reafirmar a investigación como núcleo da práctica museística e elemento estratéxico para garantir a relevancia social, a capacidade de adaptación e a sustentabilidade futura dos museos.
Ficha técnica 
Xornada
Construír museo. A investigación como núcleo da institución
Cando
10 de novembro de 2026
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Relator/a
Aurelia Balseiro García
Javier Barón Thaidigsmann
Fátima Braña Rey
Manuel Mosquera Cobián
Trinidad Nogales Basarrate
Isabel Rey Fraile
Ángeles Tilve Jar
Diego Torres Iglesias
Ramón Yzquierdo Peiró
Entrevistado/a
María López-Fanjul y Díez del Corral
Entrevistador/a
Agar Ledo Arias
Modera
César Llana Rodríguez
Ángeles Tilve Jar
Ramón Yzquierdo Peiró
Presenta
Esperanza Gigirey Liste
César Llana Rodríguez
Ángeles Penas Truque
Ángeles Tilve Jar
Dolores Vilavedra
Ramón Yzquierdo Peiró
Organiza
Consello da Cultura Galega
Consello Galego de Museos

Imaxe da portada: Área de Restauración do Museo de Pontevedra