Outono de música e poesía para o alumnado de secundaria da Coruña
11/10/2023
O Servizo de Normalización Lingüística do Concello da Coruña organiza unha nova edición de Falamos secundaria, un programa de dinamización lingüística dirixido aos IES públicos municipais que ten como principais obxectivos a creación de espazos de uso para o galego, así como o fomento de actitudes favorables e do uso social do noso idioma entre a mocidade. Nesta edición do outono de 2023 organizaranse, no auditorio do Centro Ágora, dúas actividades: a charla-concerto "Popsía", de Fran Amil (o 25 de outubro a partir das 12:00 h) e o concerto da Banda AldaoLado (o 15 de novembro, a partir das 12:00 h).
