O xurado da VII edición do certame Enreguéifate outorgou 12 regueipremios e mais un accésit, escollidos entre os 56 vídeos presentados nesta edición de 2024. Na páxina web do proxecto podes ver aos vídeos gañadores nas diferentes categorías: “regueifa máis brava”, “regueifa máis aguda”, “regueifa máis diversa”, “regueifa máis reivindicativa”, “regueifa mellor falada”, “regueifa mellor cantada” e “regueifa máis inclusiva”.
Enreguéifate é un proxecto promovido polos servizos de normalización lingüística dos concellos de Ames, Carballo, Pontevedra, Santiago de Compostela e Teo que apoia a difusión da improvisación oral en verso para contribuír, por medio dela, á promoción do uso da lingua galega.
