A RAG celebrará o acto central das Letras Galegas na Coruña, cidade natal de Luísa Villalta
8/5/2024
O vindeiro 17 de maio, Día das Letras Galegas, ás 12:30 h, terá lugar no Teatro Rosalía de Castro da Coruña a sesión extraordinaria e pública que a Real Academia Galega celebra este ano en homenaxe a Luísa Villalta. No acto intervirán os/as académicos/as Ana Romaní, Margarita Ledo Andión e Euloxio R. Ruibal, ademais do presidente da institución, Víctor F. Freixanes.
As persoas que non poidan asistir presencialmente poderán ver a emisión en directo desde a páxina web academia.gal.
