Convocatorias para ampliar as coleccións Unidades didácticas USC e Esenciais USC
28/5/2024
O Servizo de Normalización Lingüística da Universidade de Santiago de Compostela publica dúas convocatorias destinadas a fomentar a creación de materiais didácticos en lingua galega. Trátase concretamente dunha convocatoria para apoiar e financiar a elaboración e edición dixital de quince títulos da colección Unidades didácticas USC e outra para financiar a elaboración e edición dixital de doce títulos da colección Esenciais USC. En ambos os dous casos o prazo para a presentación de propostas remata o 28 de xuño de 2024.
