Convocado o I Premio Autobán ao mellor fanzine galego
29/5/2024
A Asociación Cultural Autobán, co apoio do Concello da Coruña, convoca o I Premio Autobán ao mellor fanzine galego 2023-2024, galardón orientado ao sector da autoedición.
O Premio Autobán consta dun trofeo personalizado por Aisha Rey (gañadora da última edición do Combate de Debuxantes) e dunha dotación económica de 1250 €. A el poden presentarse persoas e colectivos que autoeditaron un cómic ou fanzine gráfico en lingua galega ou desde Galicia entre o 1 de xaneiro de 2023 e o 15 de maio de 2024.
O prazo de preinscrición en liña remata o 16 de xuño de 2024 e pode realizarse na páxina do certame.
