Adega Pazo Lalón e Kaleikoi, empresas galardoadas cos Premios Bacelos de Prata 2024
9/9/2024
O xurado da décimo sexta edición dos Premios Bacelos de Prata acordou por unanimidade que as entidades galardoadas este ano 2024 son a Adega Pazo Lalón, con sede no Concello de Leiro (Ourense), e mais a empresa de Rodeiro (Pontevedra) Kaleikoi, como recoñecemento á súa aposta polo uso do idioma galego como marca de calidade, tanto na etiquetaxe dos seus produtos como na comunicación publicitaria.
