----

O colectivo Rampla premia o Proxecto Sarmiento

O hotel Herbeira de Cedeira acolleu este domingo a entrega dos Premios Resilientes 2024, galardóns que outorga o colectivo Rampla. Entre os premiados desta edición, destacou o proxecto Sarmiento do Consello da Cultura Galega (CCG) na categoría de cultural. Tamén distinguiu a asociación de axudas a enfermos de cancro menor de Galicia (Asanog) na categoría social; a Jenny Pérez Bengoa, directora da academia de Street Dance Cedeiresa, no apartado de deportes. Por último, o traballo de Xosé Iglesias foi recoñecido no ámbito da natureza e do mundo do mar.

O Colectivo Rampla é unha asociación cultural de Cedeira que leva dende 2016 tomando iniciativas singulares de promoción da cultura e o recoñecemento de exemplos de esforzo pola comunidade, persoais e colectivos, dentro dos premios “Resilientes do Ano”.