A Asociación Socio-Pedagóxica Galega organiza a sexta edición destas xornadas, dirixidas ao profesorado, que teñen como obxectivo proporcionar técnicas para traballar a oralidade na aula.
As sesións desenvolveranse ao longo do vindeiro día 26 de novembro, no Museo do Pobo Galego (Santiago) e a matrícula é gratuíta, aínda que cómpre realizar a reserva de praza.
Coa mesma finalidade de fomentar o uso oral do galego entre a comunidade educativa, esta asociación convoca tamén o VI Concurso de Relato Oral Tíralle da Lingua, que se celebrará o vindeiro mes de abril en Santiago de Compostela.
Pode obter máis información sobre estas actividades no web da AS-PG.
