Xornadas sobre o uso do galego na actividade profesional da psicoloxía
21/3/2025
A Comisión de Normalización Lingüística da Facultade de Psicoloxía da Universidade de Santiago de Compostela organiza as III Xornadas sobre bilingüismo: o uso do galego na actividade profesional da psicoloxía, nas que se tratarán os beneficios e a necesidade de usar o galego con pacientes galegofalantes no ámbito profesional da psicoloxía. As sesións terán lugar o 24 de abril de 2025, a partir das 16:30 h, no salón de actos da Facultade de Psicoloxía da USC. O prazo de inscrición remata o 23 de abril.
Podes obter máis información sobre o programa e os trámites de inscrición premendo aquí.
