Comezan as conmemoracións do centenario da Real Academia Galega
2/2/2006
Hoxe, día 2 de febreiro, ás 19 horas, terá lugar no salón de actos da Real Academia Galega o acto solemne de inauguración do centenario desta institución.
No acto, que estará presidido pola conselleira de Cultura e Deportes da Xunta de Galicia, presentarase a colección Letras da Academia, que dedica o seu primeiro número á obra de Eduardo Pondal Os Eoas.
Ao longo de 2006 iranse desenvolvendo outras actividades para dar a coñecer a historia e obxectivos fundacionais da RAG.
