Grazas ao convenio de colaboración asinado entre a Secretaría Xeral de Política Lingüística e Telefónica Móbiles España (TME), e coa colaboración técnica do Centro Ramón Piñeiro, acaba de presentarse o primeiro dicionario preditivo en lingua galega.
Esta ferramenta informática, que na actualidade teñen incorporada dous terminais de Grundig (o G402i e o G410i), permite escribir mensaxes en galego de xeito abreviado, sen ter que pulsar todas as letras. Ambos terminais dan tamén a posibilidade de ter en galego o seu menú, servizo que viñan xa ofrecendo os terminais de Alcatel.
