A Deputación de Pontevedra convoca o circuíto +Escénicas do ano 2026
23/2/2026
A Deputación de Pontevedra publica as bases reguladoras e mais a convocatoria do ano 2026 do circuíto “+Escénicas” de apoio á programación de espectáculos profesionais de artes escénicas en galego. Os concellos de menos de 20.000 habitantes da provincia de Pontevedra poderán solicitar un máximo de cinco espectáculos, que se desenvolverán entre o 1 de abril de 2026 e o 31 de marzo de 2027, de entre os grupos incluídos no catálogo +Escénicas. O prazo de presentación de solicitudes estará aberto desde o 16 ao 31 de marzo de 2026.
Pola súa parte, as compañías terán de prazo ata o vindeiro 28 de febreiro para inscribir ou actualizar os seus espectáculos no citado catálogo.
Podes consultar o texto completo da convocatoria premendo aquí.
