Os Bolechas axudan a promover o galego entre os máis pequenos
14/2/2007
A Consellería de Educación e Ordenación Universitaria, a Secretaría Xeral de Política Lingüística e a Secretaría Xeral de Igualdade presentaron a campaña de dinamización lingüística Eu son, destinada a fomentar o uso do galego na educación infantil.
Os Bolechas, personaxes populares dos contos infantís, son os protagonistas desta nova iniciativa e tamén dos materiais lúdicos e didácticos (cadernos, contos, crebacabezas...) que se distribuirán entre os máis pequenos.
