A Real Academia Galega afirma que o galego non é un problema, senón unha oportunidade
19/4/2010
Nas vésperas do Día das Letras Galegas, e ante o debate social que se está a producir nestes últimos tempos arredor do idioma, o Plenario da Real Academia Galega sentiuse na obriga de facer público un comunicado que, baixo o título Unha lingua para todos, defende que o idioma galego non é un problema, senón unha oportunidade, e que os poderes públicos deben traballar con firmeza e determinación a prol da súa plena normalización social, feito indispensable para conseguirmos dignidade como pobo e estarmos en pé de igualdade con todas as demais culturas do mundo.
