Bocaberta, novo programa de dinamización lingüística da Secretaría Xeral de Política Lingüística
27/5/2009
A Secretaría Xeral de Política Lingüística presenta a campaña de dinamización lingüística Bocaberta, coa que se pretende dar continuidade ás accións iniciadas no ano 2008 coas editoras galegas destinadas ao fomento do uso do galego e á promoción da lectura no noso idioma.
Entre as primeiras actividades que se desenvolverán no marco deste programa está a revista xuvenil de historieta Galimatías, da editorial El Patito, ou Voces á orella, que inclúe tres espectáculos de animación lingüística que se desenvolverán en colaboración con Edicións Xerais.
