Presentación pública da plataforma “Galego. Patrimonio da Humanidade”
13/10/2009
O pasado venres, 9 de outubro, presentouse en Santiago de Compostela a plataforma cidadá Galego. Patrimonio da Humanidade, que quere converterse nun espazo argumentativo sobre as retóricas de defensa do galego, co ánimo de facelas máis eficaces, inclusivas e con maior poder de interpelación social.
A plataforma, que leva recadando apoios desde o pasado mes de xuño, anunciou a celebración dun acto público en defensa do galego, que terá lugar o vindeiro 14 de novembro, ás 12:00 h, no Teatro Principal de Santiago.
