A Coordinadora Leixaprén, formada por un conxunto de equipos de normalización e dinamización lingüística de centros públicos de Educación Secundaria situados nos concellos de Dodro, Lousame, Muros, Noia, Porto do Son, Rianxo e Rois, vén concedendo anualmente un galardón que pretende recoñecer o traballos de persoas, colectivos ou institucións que se distinguen pola defensa e promoción da lingua galega.
Nesta edición, o galardoado foi o artista Xurxo Souto, pola súa traxectoria profesional e o seu compromiso na defensa da lingua e da música galegas.
