Despois da exitosa experiencia cos tres ciclos de cine desenvolvidos ao longo deste ano (ciclo de cinema de mulleres; ciclo de curtas e Semana do Audiovisual Galego), o Servizo de Normalización Lingüística do Concello de Redondela volve organizar un novo ciclo de longametraxes dirixido a maiores de 16 anos.
As proxeccións terán lugar os domingos 7, 14 e 21 de novembro no Auditorio da Xunqueira. O programa inclúe unha sesión final de cinema infantil, na que se proxectarán curtas de animación e que terá lugar o sábado 4 de decembro.
