O Servizo de Normalización Lingüística do Concello de Pontevedra e mais a Coordinadora de Equipos de Normalización e Dinamización da Lingua Galega dos IES de Pontevedra organizan unha nova edición do programa Ben veñas, maio!, dirixido ao alumnado de ensino medio do concello.
A iniciativa, que inclúe diferentes certames (fotografía, banda deseñada, narración curta, poesía e música), está deseñada para fomentar o uso do galego nas actividades propias da mocidade, así como incentivar a reflexión sobre a situación actual do idioma.
