Os SNL de trece concellos coordínanse para organizar conxuntamente o Club de Debate
9/2/2012
Os concellos de Ames, Betanzos, Carballo, Carral, A Coruña, Ferrol, As Pontes, Pontevedra, Oleiros, Rois, Santiago de Compostela, Teo e Vigo asinan, por iniciativa dos seus servizos de normalización lingüística, un protocolo de colaboración para a organización conxunta do Club de Debate, actividade que xa levaban anos desenvolvendo de xeito autónomo os concellos de Pontevedra e da Coruña.
Trátase dun programa de dinamización lingüística no ámbito educativo, no sector da mocidade, dirixido a alumnado de 3º e 4º de ESO e 1º de bacharelato, destinado a fomentar a fluidez comunicativa en galego, o pensamento crítico e o respecto pola diversidade de opinións.
