Alerta polo escaso uso do galego na educación infantil
11/10/2012
A Mesa pola Normalización Lingüística presentou publicamente os datos dun estudo sobre usos lingüísticos nos centros de educación infantil das sete cidades galegas. Segundo A Mesa, un 3,19% dos centros consultados declarou que imparte ensino en galego, un 1,06% declarou que mantén dúas liñas diferenciadas (unha en galego e outra en castelán) e un 4,96% respondeu que o ensino se dá a partes iguais entre galego e castelán. Xa que logo, segundo os datos deste estudo, só o 9% dos centros de infantil das sete cidades galegas estaría a impartir parte do ensino en galego.
