Durante as súas intervencións, os presidentes de ambas as institucións destacaron a importancia de desenvolver este eventos, xurdido co obxectivo da permitir un maior coñecemento das novas tecnoloxías aplicables ao fotoxornalismo. Neste sentido, Alfonso Zulueta asegurou que a institución seguiría atenta a estas novas posibilidades "para o mellor desenvolvemento da cultura, a lingua e a imaxe de Galicia".

O coordinador das xornadas, o fotoxornalista Xurxo Lobato, destacou que estas novas xornadas ábrense dentro dun marco de compromiso do CCG coa fotografía, un compromiso que levou a esta institución a organizar encontros de similares características en 1998, "A fotografia como memoria histórica" e en 1999, tamén sobre fotoxornalismo. O presente encontro, segundo explicou Lobato, vaise centrar nos tres momentos da fotografía: a toma de imaxes, o procesamento e a súa difusión.

O primeiro relator das "Xornadas Dixitais", o director comercial da Axencia Reuters, Enrique Shore, insistui na necesidade de formación profesional específica para quen se dedique ao mundo da fotografía posto que só desde o coñecemento se poderán afrontar os problemas de ética derivados das múltiples posibilidades de retoque e manipulación fotográfica.

Shore tamén fixo un repaso polos avances técnicos que se foron rexistrado na historia da fotografía e, asegurou, " a entrada do dixital no mundo da fotografía supuxo un gran salto", posto que foi unha irrupción moi rápida se a comparamos coa lenta evolución tecnolóxica que vivira a fotografía ata o de agora. A xornada da mañá rematou coa intervención de Alberto Anaut e Bernardo Pérez, que centraron os seus relatorios nas grandes posibilidades que para o mundo fotográfico supón a xeneralización do uso de Internet, especialmente para empresas como La Fábrica, da que é director Anaut, wwww.lafabrica.com.