O CONSELLO DA CULTURA PRESENTA MAÑÁ MARTES AS III XORNADAS SOBRE "AS CASAS-MUSEO. O PATRIMONIO INMATERIAL"

10/5/2004

O Consello da Cultura Galega (CCG) acollerá mañá martes, día 11 de maio, ás 12:30 horas, a rolda de prensa de presentación das III XORNADAS SOBRE AS CASAS-MUSEO. O PATRIMONIO INMATERIAL. No acto intervirá Gonzalo Rey Lama, coordinador das xornadas e membro da Sección de Arquitectura do CCG.

As xornadas, con inscrición gratuíta para todos os interesados, celebraránse os días 13 e 14 de maio, en sesións de mañá e tarde, no CCG. Nela presentarán relatorios, entre outros, Xosé Luis Méndez Ferrín, escritor e académico; María Asunción Mateo, presidenta da Fundación Rafael Alberti; Silvia Longueira, directora da Fundación Luís Seoane; o escritor portugués Mário Cláudio e o presidente do Pen Clube de Galicia, Luis González Tosar.

- Día: 11 de maio de 2004

- Hora: 12:30

- Lugar: salón de actos do Consello da Cultura Galega