A presentación terá lugar no salón de actos do CCG e contará coa presenza do presidente da institución, Alfonso Zulueta de Haz e dos profesores Enrique Monteagudo, coordinador do traballo, e Francisco Fernández Rei, un dos oito autores.

Esta nova achega analiza a elaboración e a difusión do galego no período citado, os procesos de adaptación do corpus da lingua e as ferramentas de adquisición do galego con atención especial ao ensino non regrado.

O volume inclúe asemade un amplo apéndice bibliográfico, único na área, e que abrangue: a norma, gramáticas, diccionarios e repertorios terminográficos.