A presentación terá lugar no salón de actos do CCG e contará coa presenza do presidente da institución, Alfonso Zulueta de Haz, do coordinador da Sección de Lingua, Henrique Monteagudo, e do director do estudo, Anxo Lorenzo, sociolingüista, profesor da Universidade de Vigo e membro da Sección de Lingua.

O estudo "A lingua galega nos medios de comunicación" requiriu a realización dunha enquisa (1.200 entrevistas) sobre o consumo de medios en Galicia e as opinións respecto da presenza da lingua galega nos diferentes soportes.