O CONSELLO DA CULTURA GALEGA PRESENTA O DÍA 17, EN ROLDA DE PRENSA, O III ENCONTRO "O SON DA MEMORIA"

14/11/2003

O Consello da Cultura Galega (CCG) presentará o luns, dìa 17, ás 12´00 horas, en rolda de prensa o III ENCONTRO "O SON DA MEMORIA"-ARQUIVOS SONOROS E PROPIEDADE INTELECTUAL, que coordinará Rodrigo Romaní. O encontro, organizado polo Arquivo Sonoro de Galicia, pretende, entre outros obxectivos, clarificar a realidade actual da xestión dos recursos xerados en virtude do concepto moderno de propiedade intelectual, tal e como se entende en Europa.

As sesións desenvolveranse en horario de mañá e tarde o día 21 de novembro, nas dependencias do CCG.A rolda de prensa, o luns, día 17, ás 12´00 horas, contará coa presencia de Ramón Castromil, vicepresidente do CCG e director do Arquivo sonoro de Galicia, e Rodrigo Romaní, coordinador do Encontro.