Os membros da Comisión Executiva, que preside o titular do CCG, Alfonso Zulueta de Haz, visitarán con anterioridade a Casa de Perros, en Sarria, pertencente á familia de Frai Martín Sarmiento e o Centro de Artesanía da Deputación, así como as dependencias do Museo Provincial. O Consello da Cultura Galega é unha institución estatutaria, contemplada no Estatuto de Autonomía de Galicia e creada por lei do Parlamento Galego en 1983.

Órgano asesor e consultivo, con capacidade de iniciativa, investigación e organización e orientado á defensa e promoción dos valores culturais do pobo galego, o Consello está formado por representantes de entidades e por personalidades sobranceiras dos distintos ámbitos da cultura galega. A Comisión Executiva do CCG está integrada polos vicepresidentes Ramón Castromil e Francisco Díaz Fierros e o secretario, Henrique Monteagudo. Ás reunións asiste tamén o xerente do Consello, Antonio Montero Carro.