PRENSA

----
  1. Inicio
  2. Prensa

O PEN CLUBE DE GALICIA FARÁ BALANCE DA II CELEBRACIÓN DA POESÍA EN SANTIAGO

Co obxectivo de facer un balance do que supuxo a II Celebración da Poesía en Santiago de Compostela, evento que tivo lugar entre os días 21 e 24 de marzo pasados, o PEN Clube de Galicia decidiu convocar unha rolda de prensa, que terá lugar o xoves, 29 de marzo, ás 17,00 h. no Salón de Actos do Consello da Cultura Galega, entidade que participou na celebración dos actos conmemorativos do World Poetry Day Celebration 2001.

Ademais do presidente do PEN Clube de Galicia, o poeta Luis González Tosar, na rolda de prensa está previsto que participe Helena Villar e o xerente do Consello da Cultura Galega, Antonio Montero Carro.

Manifesto dos poetas
Xunto coa valoración das actividades que se levaron adiante durante os catro días nos que Santiago congregou a máis de cen poetas e escritores de diferentes países e culturas, a convocatorio dos medios de comunicación ten como fin presentar o Manifesto Poético de Compostela, unha declaración que os participantes na II Celebración da Poesía elaboraron e asinaron para a súa posta en coñecemento público.