No acto intervirán: Alfonso Zulueta de Haz, presidente do CCG; e os editores do libro, Rosario Álvarez, directora do ILG, e Henrique Monteagudo, secretario do CCG e coordinador da Sección de Lingua. O volume é o terceiro da "Serie Lingüística" publicado polo CCG en correspondencia coa temática dos simposios do ILG. Con anterioridade viron a luz os libros "Dialectoloxía e léxico" (2001) e "A estandarización do léxico" (2002). Restan por publicar os traballos expostos no simposio "Lingua e territorio", celebrado en 2004.