<img src="http://consellodacultura.org/files/2008/07/escolasnoticia.jpg" alt="escolasnoticia.jpg" />

<em><div id="pedefoto">Escola Blanco de Lema, en Cee (A Coruña)</div></em>

O Consello da Cultura Galega, no marco dun convenio de colaboración coa Secretaría Xeral de Emigración da Xunta de Galicia, acaba de pór en marcha un proxecto que xa se atopa en fase de avanzada execución e que trata de inventariar todas as escolas que os emigrados na América construíron na nosa terra. O proxecto está dirixido polo profesor da Universidade de Santiago de Compostela, Vicente Peña, e levado a cabo polo Arquivo da Emigración Galega. A súa finalidade é recoller os aspectos máis salientables que caracterizan ás escolas: a súa localización xeográfica, o estado de conservación, a descrición arquitectónica, os servizos educativos que posuían, etc., ao tempo que se procurará recuperar a documentación histórica relacionada coas escolas (programas docentes, rexistros escolares, expedientes de construción…), todo isto complementado cun ilustrativo álbum fotográfico e iconográfico.


<ul><li><a href="http://consellodacultura.org/escolas">Acceda á web das Escolas da Emigración</a></li></ul>