O TSXG demanda que se execute a sentenza sobre o decreto do plurilingüismo
20/9/2013
O TSXG acaba de emitir un auto no que lle demanda á Xunta de Galicia a execución forzosa da sentenza firme 1286/2012, do 21 de novembro, xa que non lle consta que esta fose executada na súa totalidade. Pola súa parte, a Consellería de Educación xa presentou un recurso de reposición contra este auto, ao considerar que a Xunta de Galicia cumpriu co estipulado na sentenza.
A sentenza 1286/2012, ditada en novembro do pasado ano 2012, anulou os artigos 5.2 e 12.3 do Decreto 79/2010, de 20 de maio, para o plurilingüismo no ensino non universitario de Galicia, por consideralos contrarios a dereito.
