As entidades organizadoras do Correlingua (a Asociación Socio-Pedagóxica Galega, a Confederación Intersindical Galega-Ensino, a Mesa pola Normalización Lingüística e os concellos de Lugo, Pontevedra, Vigo e Ourense) organizan unha nova edición do concurso musical Cantalingua, co obxectivo de seleccionar os grupos que actuarán nas festas do Correlingua. Os temas, de temática libre, deberán ser orixinais e estar compostos en galego. Os tres primeiros grupos ou solistas clasificados no concurso participarán nos dez concertos que se organizarán durante o Correlingua 2014. O prazo para enviar as composicións remata o 1 de abril de 2014.
