O Equipo de Dinamización da Lingua Galega e mais o Departamento de Lingua Galega do IES da Pobra do Caramiñal organizan a segunda edición da campaña de dinamización lingüística 21 días co galego, que ten como obxectivos perfeccionar a competencia lingüística do alumnado e promover a reflexión individual sobre os propios usos lingüísticos. No marco desta iniciativa está a desenvolverse un programa de actividades lúdicas e didácticas que inaugurou, como xa fixera na pasada edición, o escritor Agustín Fernández Paz.
