O Servizo de Normalización Lingüística do Concello de Redondela organiza a segunda edición do ciclo de cinema en galego “Versión Orixinal”. As proxeccións realizaranse entre o 7 de febreiro e o 4 de abril de 2014, en venres alternos, no Auditorio da Xunqueira. Os filmes que se proxectarán nesta edición son Doentes, dirixido por Gustavo Balza; 18 comidas, dirixido por Jorge Coira; Arraianos, dirixido por Eloy Enciso; Costa da Morte, dirixido por Lois Patiño; e Tralas Luces, dirixido por Sandra Sánchez.
