O Servizo de Normalización Lingüística do Concello de Pontevedra, en colaboración coa Escola de Xadrez de Pontevedra e a Asociación de Veciños Ponte Muíños, organiza un curso de iniciación ao xadrez, no marco do programa de actividades de dinamización lingüística no ámbito do lecer.
O curso está dirixido a persoas de todas as idades e desenvolverase todos os venres, do 21 de febreiro ao 30 de maio de 2014, no local social de Ponte Muíños. O prazo de inscrición remata o 19 de febreiro.
