O IES Luís Seoane gaña a fase final do Club de Debate
28/4/2014
O IES Luís Seoane, de Pontevedra, foi o gañador da fase final da terceira edición do Club de Debate, unha iniciativa promovida por diferentes servizos de normalización lingüística da Administración local co obxectivo de fomentar a fluidez comunicativa en galego, o pensamento crítico e o respecto pola diversidade de opinións entre o alumnado de ensino medio. Logo das diferentes fases locais, nas que participaron 21 equipos de 16 centros de ensino, a fase final galega tivo lugar o pasado sábado, 26 de abril, no Teatro Jofre de Ferrol, onde competiron oito equipos debatendo sobre o enunciado “Pódese vivir en galego”.
