A Mesa presenta novos datos sobre usos lingüísticos no ensino infantil
18/6/2014
A Mesa pola Normalización Lingüística presentou publicamente os datos do estudo que esta entidade elabora periodicamente sobre os usos lingüísticos nos centros de educación infantil das sete cidades galegas. Segundo os datos recollidos no estudo, só un 2,42% dos centros consultados declarou impartir a docencia maioritariamente en galego neste curso 2013/2014 e só un 6,57% declarou impartir “algo en galego”. O estudo tamén destaca que só 11 dos 289 centros de infantil consultados dispoñen de material didáctico en galego.
Diante destes datos, a Mesa pola Normalización Lingüística alerta da aceleración do proceso de desgaleguización que está a sufrir o ensino infantil en Galicia.
