O Consello da Cultura presenta este venres as actividades conmemorativas do 70 aniversario do Sempre en Galiza
26/6/2014
O venres, 27 de xuño, terá lugar na biblioteca do Consello da Cultura Galega (12:00 horas) a presentación das actividades conmemorativas do 70 aniversario da publicación Sempre en Galiza, a obra cimeira que recolle o pensamento político de Alfonso R. Castelao (Rianxo, 1886 – Bos Aires, 1950). Asistirán á presentación, Ramón Villares, presidente do Consello da Cultura Galega; Carlos Mella, presidente da Fundación Castelao; e Víctor Freixanes, director da Editorial Galaxia.
