O Centro de Estudos da Lingua e Cultura Galegas (CELGA) da Universidade Federal da Bahia organiza o I Encontro Brasileiro de Estudos Galegos, que terá lugar entre o 13 e o 15 de abril de 2015. O obxectivo do encontro é fomentar o diálogo intelectual entre investigadores de diferentes universidades que se dedican aos estudos galegos. A comisión organizadora convida a profesionais, estudantes e interesados/as na lingüística, literatura e cultura galegas a participaren, ben na modalidade de comunicación individual, ben na de presentación de póster. O prazo para enviar os resumos remata o 15 de xaneiro de 2015.
