Novos datos sobre usos lingüísticos na docencia da USC
4/2/2015
O Servizo de Normalización Lingüística da Universidade de Santiago analiza no último número d´O Cartafol os datos sobre usos lingüísticos na actividade docente no curso 2014-2015. En termos xerais, impártense en castelán o 73,95% das horas docentes, en galego o 22,20%, en inglés o 1,80%, en portugués o 0,42% e noutras linguas (francés, italiano, alemán) o 1,62%. Tamén se ofrece información detallada sobre usos lingüísticos segundo o tipo de titulación (grao, mestrado, licenciatura), ou o departamento e a categoría do persoal docente e investigador. Así mesmo, podes consultar a evolución dos usos lingüísticos nos últimos doce anos.
