A USC premia a innovación empresarial en lingua galega
12/2/2015
O Programa de Creación de Empresas da Universidade de Santiago de Compostela Uniemprende convoca o XV Concurso de Proxectos Empresariais Innovadores da USC, co obxectivo de impulsar a creación de empresas innovadoras promovidas por estudantes, licenciados/as ou investigadores/as, así como a innovación empresarial e a xeración de emprego. Por primeira vez, este concurso inclúe a categoría “Premio á promoción da lingua galega”, impulsada pola Comisión de Normalización Lingüística da Facultade de Económicas. O prazo de presentación de proxectos remata o vindeiro 7 de abril de 2015.
