A mocidade pontevedresa volve darlle a benvida a maio
4/3/2015
O Servizo de Normalización Lingüística do Concello de Pontevedra e a Coordinadora de Equipos de Normalización da Lingua Galega dos IES e CIFP de Pontevedra organizan unha nova edición do programa Ben veñas, maio, dirixido ao alumnado de ensino medio do concello. A iniciativa, que inclúe diferentes certames (fotografía, banda deseñada, narración curta, poesía e música) e unha mostra de teatro, está deseñada para fomentar o uso do galego nas actividades propias da mocidade, así como incentivar a reflexión sobre a situación actual do idioma. O prazo de presentación dos traballos remata o 10 de abril de 2015.
