Obradoiro de recursos lingüísticos para o tempo libre
14/4/2015
O Concello de Pontevedra organiza o obradoiro “Recursos da nosa lingua para o tempo libre”, no marco do programa de formación para o emprego xuvenil Pisando Forte 2015. O obradoiro, dirixido a mocidade de 16 a 35 anos, ten como obxectivo fornecer ferramentas que faciliten a creación de espazos de socialización en galego no ámbito do lecer (campamentos, ludotecas, escolas…). Os contidos estruturaranse en diferentes áreas: musical, xogo, expresión oral e escrita, TIC´s, educación ambiental e contidos sociolingüísticos. O prazo de inscrición remata o 15 de abril de 2015.
