O Equipo de Dinamización da Lingua Galega do IES Castro Alobre, en colaboración co Concello de Vilagarcía e a Asociación de Hostaleiros de Vilagarcía, está a desenvolver unha campaña de fomento do uso do galego no sector hostaleiro local. Aproveitando a conmemoración das Letras Galegas, os restaurantes, bares e cafeterías da cidade lucirán nas súas mesas salvamanteis con deseños e lemas reivindicativos do uso do galego. En total, repartiranse 6.000 salvamanteis que reproducen os deseños gañadores no concurso de carteis que previamente organizou o IES Castro Alobre entre o seu alumnado.
