A RAG celebra en Pontevedra o acto central do Día das Letras
12/5/2015
A Real Academia Galega anuncia que o acto central do Día das Letras Galegas 2015 terá lugar o domingo, 17 de maio, ás 18:30 h, no Museo de Pontevedra. Nesta sesión extraordinaria, que a RAG organiza en homenaxe a Xosé Filgueira Valverde, intervirán os académicos Víctor Fernández Freixanes, Francisco Díaz-Fierros Viqueira e Xosé Ramón Barreiro Fernández. O encargado de pechar o acto será o presidente, Xesús Alonso Montero. Ao remate, celebrarase un breve concerto da Coral Polifónica de Pontevedra, acompañada pola Orquestra Filharmónica Cidade de Pontevedra.
