“O noso último verán en Escocia” estréase en galego en 14 cines
29/5/2015
Hoxe, 29 de maio de 2015, estrearase en 14 cines de oito localidades galegas a comedia británica “O noso último verán en Escocia”, en versión dobrada ao galego. A iniciativa, que ten como obxectivo promover o uso do noso idioma no ámbito do audiovisual, é froito da colaboración entre a Xunta de Galicia (través da Secretaría Xeral de Política Lingüística e da Axencia Galega das Industrias Culturais), a Televisión de Galicia e a distribuidora A Contracorriente Films. As localidades nas que pode verse o filme en galego son A Coruña, Lugo, Narón, Ourense, Pontevedra, Santiago de Compostela, Vigo e Vilagarcía de Arousa. Para ampliar esta nova, preme aquí.
